2012年按《競爭條例》成立嘅競爭事務委員會即將換屆，13名委員中將有9位新面孔，不過9位新面孔中有啲都唔陌生，其中一位就係前財經事務及庫務局局長陳家強！佢離開政府都唔夠一年，早前仲重返「娘家」香港科技大學教書，殊不知依家已經重返政府，獲委任為競委會嘅成員，將會5月1日上任。
競委會成立目的主要係宣傳同教育市民禁止妨礙、限制同扭曲任何競爭嘅行為，以防止香港嘅競爭力大幅減弱。陳家強唔單止做過財庫局局長，亦都做過消費者委員會主席，消委會都係監察消費模式，同加強市場嘅賠償機制同公平性咁，兩者都有關連，睇嚟陳家強都好適合出任競委會委員，唔怪得佢離開政府咁短時間，就已經再次獲委任啦！
本文來源：http://hk.on.cc/hk/bkn/cnt/news/20180427/bkn-20180427201926245-0427_00822_001.html