史高斯超靚長傳，朗尼嘥晒：http://bit.ly/2qQRqKp
卡域克紀念賽群星撐場，曼聯08隊簡直係魔粉嘅集體回憶，睇到傑斯、史高斯、尼曼查維迪再披曼聯波衫，肯定感動到爆，但朗尼今仗表現回晒塘，唔單只面對泰利被嘜到一戙都無，連對住退咗休4年、前利物浦中堅加歷查，朗尼一樣冇腳好波，就堅令球迷失望。雖然唔係今仗主角，但朗尼於完場後，向全場曼迷揮手作別，個樣非常不捨，相信佢都知道，今場應該係自己最後一次着起曼聯球衣。
朗尼今仗為曼聯08隊打正選，對手卡域克明星隊，多為老將甚至係已經退休嘅球星，但朗尼都交唔出好表現，其中一次佢接應史高斯嘅後場超靚長傳，趁住對手門將基雲出迎一笠，竟然只係笠中網頂。另外，佢今仗面對中堅泰利完全被箝制，最離譜一次係畀加歷查K.O.，難怪唔少網民都寸朗尼，竟然連加歷查都搞唔掂。
今仗係卡域克紀念賽，朗尼只係配角，但朗尼一樣百般滋味在心頭。佢離場前不斷向球迷揮手致意，表情非常唔捨得，完全表現出嗰種難離難捨，相信佢已下定決心離開奧脫福。
即上英超刨績王：http://win.on.cc/epl
東網體育同你追實體壇每個精彩時刻！
http://bit.ly/2ecTF2A
本文來源：http://hk.on.cc/hk/bkn/cnt/sport/20170605/bkn-20170605025111187-0605_00882_001.html