咪當我LuLu SHF阿樂登場

作者:Christal 时间:2017-07-04 13:09:03 標籤: 分類:

正如《國產零零漆》都有話︰就算係一張廁紙,一條底褲,都有佢嘅用處。雖然,佢唔識變超級撒亞人、戰鬥力又低,仲要畀比達撬牆角,因而成為《龍珠》當中經常被惡搞嘅角色;正因為坎坷嘅命運,尤其是為咗保護地球而被栽培人炸死嘅壯烈收場,阿樂,始終係一個值得敬重嘅《龍珠》角色,亦都令粉絲念念不忘,故此有粉絲創作同人漫畫《龍珠外傳:轉生成為阿樂》,為呢位頭頭碰着黑嘅地球戰士逆轉命運大平反。唔只咁樣,等咗咁多年,Bandai嘅SHF終於肯幫阿樂出Figure了,龍珠粉絲守得雲開了!

話說比達初次踏足地球時,唔只帶埋賴巴,仲有栽培人一齊作惡,原本阿樂對付栽培人,都勉強夠打,點知栽培人出到自爆呢招,結果阿樂就要到地府同冥王報到,無論動漫畫面,死時捲縮喺地上嘅一幕,可稱經典,亦成為阿樂商品化嘅熱門題材,最近發表嘅SHF阿樂,其中一張官圖就專登還原呢一幕,相信可增加粉絲嘅入貨意欲吧。除此之外,SHF一向標榜嘅高可動性,從官圖看,阿樂都Keep到水準,尤其是配上爪形手掌,就可使出獨門招數「狼牙風風拳」,隨盒又有正常、咬牙切齒及開口怒吼三款面相組件,不過要數最有Gimmick嘅Parts,始終都係隨盒附上嘅栽培人,雖然官網未有詳細交代,相信手腳都有可動設計,不過幅度應該有限,故此官方都冇set到栽培人捉實阿樂自爆嘅場景。SHF阿樂與栽培人撥入「魂Shop」網購品類別,日本方面已經接受預訂,連稅售價6,480日圓,預計今年11月派貨,有興趣嘅龍珠粉絲可到p-bandai.jp網站瀏覽詳情。

至於上文提到嘅《龍珠外傳:轉生成為阿樂》,出自「龍畫廊•李」嘅手筆,並獲官方承認,能夠喺《JUMP+》連載。故事嘅主角原本係一個高中生,亦係《龍珠》鐵粉,更加同阿樂一樣,一直都追唔到女仔……有一日主角喺樓梯跌咗落嚟,醒番嘅時候,發現自己變咗阿樂,時間正係第一次呼喚神龍之時,呢位轉生阿樂決定改變命運,努力修練之餘,加上因為預知歷史,令佢可以改變故事發展,到底佢可唔可以變成最強嘅地球人?追唔追到奘子?又會唔會畀栽培人炸死?自己去《JUMP+》嘅App搵答案啦,小編點好意思劇透呀!


本文来源:http://hk.on.cc/hk/bkn/cnt/lifestyle/20170704/bkn-20170704100029301-0704_00982_001.html

  • DC Korea 韓國時尚- Home | Facebook

    DC Korea 韓國時尚. 35290 likes · 1150 talking about this. DC每月自韓國精心挑選,提供當季最流行的優質商品,讓愛美的妳掌握最新時尚,創造屬於自己獨一無二 ...

  • ooopsididit‏@ooopsididit

    #HongKong #香港 迎新優惠:瘦面針$1800!新年啦,迎接一個新的自己,快d打27322626諮詢啦,或者whatsapp我都得架,96190262! #botox #dystorp #瘦面 #肉毒桿菌素 #醫學 #醫學…pic.twitter.com/0lJCUrDRn3

  • 豐胸套裝[2014更新版本] 豐胸套裝歡迎諮詢Line: elsienn1998 備註 ...

    2014年12月8日 - 豐胸套裝[2014更新版本] 豐胸套裝歡迎諮詢Line: elsienn1998 備註:2014 12 月底各種優惠熱烈搶購中!要把握機會歐! NN 本人:) 1. 豐胸一定要 ...

Copyright@2016 share.goldlinkage.com All Right Reserved.