日乙 町田搞「女學生之日」谷票房

即上日職刨績王:http://win.on.cc/jleague/ 

町田澤維亞為咗谷票房,玩到揾女子大學生做escort咁絕?單嘢係堅嘅,呢支日乙球隊宣布,8月16號主場對名古屋鯨魚場聯賽,會搞一個「女子大生之日」,即係招募24名大學女生,代替平時慣用嘅小球童,陪住球員入場。做乜出動到女子大學生呢招?大家唔好心邪,町田係為咗紀念1913年8月16日有3個女仔,獲得東北帝國大學取錄,成為日本史上第一批女子大學生件事,而且今次做escort嗰批女仔,係唔使學細路球童咁,同球員手拖手入場,絕無肌膚之親。

其實町田向來喜歡玩呢類特別企劃,今季就已經試過兩次,包括4月15號主場對FC橫濱搞「FC橫濱戰特別企劃 50歲免費入場」同「新春入學特別企劃」着校服、孭書包者免費入場」活動,當日仲吹脹到有阿伯同鬼佬着晒女學生校服裙博入到場添;5月21號主場對大分三神就搞「小學校開校日」,紀念1869年日本第一間近代小學開校,小學生可以畀500日圓就入場睇波。有樣嘢大家必須注意,就係町田喺呢兩日打波都冇輸過,其中對FC橫濱贏1比0,對大分就和2比2,今次可能又有計都未定。

即到彩報星club熱身賽專頁:
http://win.on.cc/football/page/2017friendly/ 

東網體育同你追實體壇每個精彩時刻!
http://bit.ly/2ecTF2A 

所以一到這個時間貼身保暖設計的多功能保暖內衣就很受歡迎,並且適用於冬天穿搭學生的穿著,即使是穿的很單薄也不用擔心寒冷,因為它主要起到了保暖的作用。


本文來源:http://hk.on.cc/hk/bkn/cnt/sport/20170726/bkn-20170726173132909-0726_00882_001.html