港超聯:香港飛馬迎戰傑志 東網5時半直播

作者:Wanda    發表日期:2017-09-18 03:15:01

港超聯今日(17日)續上演兩場激戰,尾場賽事於下午5時30分假香港大球場上演,由兩支開季兩連勝的球隊對決,香港飛馬主場迎戰傑志,兩軍自然希望能延續連勝紀錄,勝利一方更可獨霸聯賽榜「1哥」之位,激戰當前,東網屆時將直播,記得留意追貼榜首形勢發展!

今季在聯賽有好開始的香港飛馬,繼首戰作客以1比0小勝冠忠南區後,上周則在落後1球的情況下,憑着後備上陣的梁嘉恆梅開二度,以3比2反勝R&F富力。然而主教練楊正光表示球隊仍不乏進步空間:「單睇成績,贏波係滿意嘅,但係仍然有啲地方要改善。上仗喺下半場都有啲體能上嘅問題,畀到對手好多機會,所以球隊要喺體能上同防守上嘅紀律有所加強。始終今仗面對嘅係傑志,防守工作會比較多,因此反擊嘅效率要提高,先有機會搶分。希望球員喺兩連勝後打起信心,可以於主場贏波,但係唔能夠掉以輕心,始終我哋要再加強先可以喺前列上爭取最好排名。」

飛馬上仗因傷退下火線的伊高,經過數日治療後已無大礙,而上仗「起孖」的梁嘉恆在跟球會商量過後,決定踢罷今仗大戰才接受腹股溝手術,預計要休息3周。

今季力爭衞冕的「藍鳥」傑志,先於揭幕戰憑着華杜斯一箭定江山,以1比0小勝宿敵東方龍獅,上周更大開殺戒,以7比0重創夢想FC,今季表現搶眼的新援盧卡斯更上演「大四喜」,不過主教練朱志光仍有其顧慮,亦擔心盧卡斯的付擔過重,並強調球季漫長,贏波之餘更要在球員整體上的狀態找到平衡:「我唔希望傑志攻勢同入球集中晒喺盧卡斯身上,始終成個球季會有唔同球員有傷病,所以都要喺踢法上搵一個好啲處理方法,確保有足夠嘅前線球員,同時保持到良好狀態都非常重要。」傷兵方面,「藍鳥」目前僅得保連奴仍處於恢復期,「朱Sir」表示希望給予他一定的上陣時間,好讓他重拾比賽狀態,讓球隊有更多選擇。


本文来源:http://hk.on.cc/hk/bkn/cnt/news/20170917/bkn-20170917160003860-0917_00822_001.html

本文固定鏈接: http://www.hkcarpet.com/26999.html
轉載請注明:Wanda 2017-09-18 03:15:01 于 香港國際時事通 發表

上一篇: :下一篇
返回頂部