鼓勵性騷擾受害人站出來的「#MeToo」運動，讓不少人打破沉默，勇於承認曾遭性侵。有名自稱中四的網民，於「名校Secret」匿名發文，指其自小時候被父親「摸」，至其小四時更遭「用佢下體喺咁撞我下體」，令她非常反感，但反抗無力，「我只可以忍」。亦因「佢始終係我老豆」的關係，不願站出來。不少網民紛紛表示同情，更有人建議她報警，或向風雨蘭求助。
15歲的女事主日前於「名校Secret」匿名發文，問網民「大家覺得，15歲畀老豆摸係玩定係性侵犯？」。女事主稱，小時候，她父親很喜歡將她推落床，「然後係咁錫我條頸」。她雖已反抗和試圖推開父親，但父親卻反問：「你反抗？你反抗？」。她無奈表示「我細細個，佢一隻手指就搞掂我啦。」她認為母親並不會相信她，因此只可以忍，更謂「畀佢搞完，我好憎佢，佢以為我唔記得，其實我記到依家。」她指，「畀佢咁玩法足足玩咗4年」。
至小四那一年開始接受性教育，事主驚覺「老豆細細個對我做嘅事原來係咁」。某日當她回到家，梳頭髮準備洗澡時，父親突然「入咗黎，佢攬住我，我即刻叫佢放手，佢亦都冇理我，繼續很猖狂咁用佢下體喺咁撞我下體，隔住塊布，我都覺得好嘔心。」但她只可以忍，怕父親「發火」。
自此，事主開始對男人有所警戒，亦「好驚」父親。惟現已為中四學生的她，父親仍會打她屁股。她曾喝止，但父親並無停手。因此，有時候她在床上玩手機，「佢坐喺我隔離，我即刻起身。」或是當父親喝醉後進她房間，她亦會「即刻出去扮有嘢做，佢先走出嚟。」
事主最後稱「我係唔會公開我嘅身分，因為佢始終係我老豆。」更表示渴望快點長大「咁佢就唔會咁對我。」
網民就此紛紛留言，建議事主報警，提醒她「忍係無用」，應馬上與警方合作協助調查。亦有網民感謝她的勇氣，以為人母親的身分建議她「嘗試同媽媽溝通，作為一個媽媽我告訴妳，我會選擇相信自己的骨肉。反抗吧！」然而，有網民反駁， 「有好多新聞都係個阿女畀阿爸非禮，同阿媽講完，結果阿媽仲繼續由佢，唔係個個阿媽都好似你咁好嘅」。
網民有話說
Lawrence Mok：呢排做新聞時特登大聲啲比佢聽下……等佢知香港法例過左幾多年都一樣可以追究……
Grace Wai：你開始對佢有警覺性已經做得非常好，以上各方意見搵一個合適合宜你認為覺得舒服但必須要保護到自己嘅方法馬上行動。
朱峰：長期抑壓只會造成永久創傷，扭曲你對兩性關係的睇法，長遠影響你日後的戀愛和家庭，影響不可睇小。為你將來的人生和家庭，真係要三思呀女！
Grace Lee：一個係你個女，一個係你老公。你俾老公知道你知道佢做啲咁下流嘅嘢，頭家仲點維持落去。
※緊貼網民熱話，掌握最熱話題，請關注網民熱話fb：
http://on.fb.me/1L3m1ro
本文來源：http://hk.on.cc/hk/bkn/cnt/news/20171202/bkn-20171202111709150-1202_00822_001.html