曼聯喺歐霸4強首回合，作客切爾達。雖然成場波攻勢只係一般，但係紅魔好在有拉舒福特射個靚罰球，以1:0小勝主隊，次回合返到奧脫福好踢得多。
紅魔半場攻勢都幾入肉，但係就唔入波。拉舒福特、米希達利恩同連格多次埋門，都畀對方門神沙治奧干地瓦解。至於切爾達今仗唔知係咪緊張，踢上嚟一啲都唔爽，攻門欠奉，係門將醒神力保不失，雙方半場窿窿返更衣室。
切爾達換邊後攻勢叫似番啲樣，但係艾斯柏斯、薛斯圖嘅射門，都考唔起羅美路。
紅魔喺67分鐘，由拉舒福特射咗個靚罰球開紀錄。戴利白蘭特作勢射波之後畀拉仔射遠柱，沙治奧干地畀白蘭特呃到移咗位，飛番轉頭都阻止唔到拉仔入波，紅魔搵到重要嘅作客入球。
主隊唔係冇試過，主隊都試過盡本份爭取入球，等曼聯個作客入球變得冇咁緊要；但係切爾達今場前線真係踢得好曳，最後以0:1不敵曼聯，下周次回合作客奧脫福將會踢得更辛苦。
東網體育同你追實體壇每個精彩時刻！
http://bit.ly/2ecTF2A
本文來源：http://hk.on.cc/hk/bkn/cnt/sport/20170505/bkn-20170505050102204-0505_00882_001.html