大家好～歡迎返到嚟新一集嘅成王之路啊！我係Ringo。非常時期啊！大家都要記得小心保護自己，
洗手洗手洗手，消毒消毒消毒，仲要記得戴口罩啊！上一集睇完逃獄之後，今集我哋終於都嚟到 頂峰戰爭啦。相信有好多弟兄都等咗呢個篇章好耐㗎啦。
話曬係兩年前劇情入面，戰鬥格局最大嘅一章。不過喺開始之前，就等我做少少宣傳先。如果你係第一次睇呢個Channel嘅話，我哋係一個用評論同分析嘅方向去講唔同類型嘅文化資訊
嘅平台嚟嘅。睇完如果有興趣嘅話，記得㩒一㩒右邊嗰個瑯瑯啦！而如果你想知道多啲我哋嘅資訊， 就記得要Follow埋我哋嘅社交媒體啦！
好似Facebook同埋Instagram咁樣。開波！因為彭彭壯烈嘅犧牲， 路飛佢哋好順利咁樣離開咗大監獄。
向住戰場，海軍總部瑪琳科特前進。而喺沙碰地群島嘅人，亦都透過直播， ?到個戰場實一實。就好似上一集我哋提到咁，無人明白
點解海軍喺經歷過羅渣嘅處刑之後，仲會夠膽做公開處刑，仲要做埋直播。直播呢啲嘢萬一影到啲對政府不利嘅嘢， 無得即時執㗎喎。不過，唔多唔少都睇得出海軍好有自信。
有五個七武海，一堆中將，仲有三個大將喺度，今次個處刑仲唔順順利利？突然間，戰國元帥行上處刑台，仲話今日波德卡D艾斯嘅死， 對世界有特殊嘅意義。海軍用盡方法去搵嗰個癲倒世界嘅男人嘅血脈，打算剪斷呢個男人嘅血。
艾斯嘅媽媽，波德卡斯D露婕， 為咗令到艾斯可以安全出世，將艾斯留咗喺自己嘅肚入面足足二十個月， 只不過艾斯出世嘅時候，佢媽咪就用盡力氣咁過咗身。呢一切，都係為咗令到艾斯唔會俾人捉走。
因為露婕嘅另一伴，艾斯嘅爸爸，就係海盜王，羅渣。原來羅渣喺行刑之前，將自己個仔艾斯交託咗俾加普，加普就將艾斯同埋路飛都送咗去一個山賊度照顧。亦都係因為咁，同路飛成為咗兄弟。現場所有人，睇直播嘅人，全部都好驚訝，
海盜王嘅血，仲未斷啊！大家亦都突然明白咗，點解海軍咁堅持要公開處刑。無錯，就係要全世界嘅面前，截斷海盜王嘅血脈，阻止下一個海盜王嘅出現。呢個時候，白鬍子海盜團嘅旗下海盜團開始出現，白鬍子嘅船，仲喺正海軍本部嘅中間出現。
白鬍子海盜同海軍正式開戰啦！白鬍子，海盜團嘅隊長開始出手，為嘅就係走近死刑台，搶走艾斯。七武海，海軍中將，大將亦都出擊阻止。戰況好激烈，同艾斯有唔少交情嘅巨人小奧茲Junior，就算斷埋腳，都仲係差少少先掂到處刑台，佢太大份啦，好快就成為咗攻擊嘅目標，
俾七武海秒殺咗。呢個時候，路飛佢哋隻船終於都嚟到啦。路飛一到場就將處刑提早嘅消息話咗俾白鬍子聽， 但白鬍子就覺得呢個係戰國嘅計謀。
所以無急住進攻，反而向兩邊攻擊，留返條路。所以海軍嘅重點就落咗喺衝衝子路飛身上面。衝衝子嘅實力唔差大家都知， 但係喺呢場戰爭入面，我哋可以睇得出衝衝子嘅實力，
同新世界嘅海盜比似乎仲係差少少。不過，靠住戰場上唔同嘅人幫手， 路飛亦都一步步走近艾斯。呢個時候，喺白鬍子嘅後面有，
戰桃丸帶住一大堆和平主義出現，海軍仲停咗個電話蟲直播。 原來海軍想用圍牆同和平主義者圍剿海盜啊。呢個時候，白鬍子旗下海盜團嘅船長斯古阿德，隊咗白鬍子一刀。
原來係赤犬用嘴離間白鬍子同佢嘅成員，而當佢嘅成員係屋企人咁嘅白鬍子，梗係唔會忍啦，就開始用佢嘅震動果實能力進攻啦。同時，海軍就正式宣佈要處刑艾斯啦。啱先俾人整暈咗嘅小奧茲因為太大份， 令到海軍嘅包圍網開唔曬，白鬍子亦都諗住借呢條路一口氣
殺到入去處刑台前面嘅廣場。不過趕唔切就係趕切， 好彩喺艾斯就快俾人斬頭嗰陣，全場最傲嬌嘅鱷魚用佢嘅能力阻止咗第一次嘅行刑。白鬍子同隊長都入到嚟廣場，同中將佢哋開始交戰。
好彩有黃猿放水，將路飛踢返去白鬍子度，你死咗啦。雖然唔夠打，但係路飛嘅表現就得到白鬍子默默嘅認同。不過，上咗年紀就係上咗年紀，白鬍子突然嘔血，令到所有人分咗神，唔少人都受傷或者失去咗行動能力。海軍就襯呢個空檔，諗住再處刑艾斯。
也咩囉～～啊雖然路飛嘅力量仲係未成熟，但係佢 霸王嘅資質就令到戰場上面嘅人都為之震驚。海軍就當然想抹殺佢， 但係對於戰場上嘅海盜同白鬍子嚟講，路飛好可能就係海盜時代嘅末來！
有唔同人幫手，路飛佢好快就跑到嚟處刑台前面。打算阻止路飛嘅英雄加普就心軟，俾路飛打走咗。路飛上到台，同扮成處刑者嘅Mr.3，
成功咁解放咗艾斯。喺救咗艾斯之後，就梗係全力走佬啦。呢個時候，知道自己就嚟頂唔順嘅白鬍子， 竟然叫佢嘅屋企人快啲走，由佢嚟殿後，佢打算用自己條老命同海軍嚟個了斷。
但係呢個時候，赤犬竟然又出口聲挑釁白鬍子。當白鬍子係親生老豆嘅艾斯沉唔住氣，衝過去同赤犬打。但係就因為果實能力上剋下嘅關係，令到艾斯重傷，而當赤犬打算向路飛落手嗰陣⋯⋯火拳艾斯，陣亡。見到自己嘅哥哥喺面前失穿咗個心口，路飛失去咗意識。
而白鬍子海盜團， 將路飛視為艾斯依然生存嘅意志，全力咁去保護失去咗意識但依然喺戰場上面嘅路飛。而憤怒嘅白鬍子，帶住重傷咁開始向住海軍猛攻。而令到艾斯俾人捉，引發頂峰戰爭嘅黑手，黑鬍子，就帶住佢喺Level
6召集嘅成員，喺瑪林科特出現，向已經無曬力氣嘅白鬍子出手。正當黑鬍子同海軍都以為白鬍子已經死咗，諗起佢同羅渣嘅對話， 向住戰場上嘅人，睇住直播嘅人，ONE PIECE
係實際存在㗎！白鬍子，陣亡。海軍嘅人繼續追擊路飛， 黑鬍子又突然間可以用到白鬍子震動果實嘅能力。
喺艾斯同白鬍子死咗之後， 戰場上嘅戰況一啲都無平息到。喺呢個時候，腦入面不停聽到好多聲，見到身邊嘅海軍失曬控嘅哥比，忍無可忍啦。哥比忍無可忍啦。
係紅髮撒古斯啊！係四皇啊！紅髮嘅出現，令到戰場上面所有嘅人都冷靜落嚟。雖然唔知紅髮點解有咁嘅力量，
但係戰國元帥竟然同意咗停止戰鬥，結束呢場戰爭。紅髮，你呢個面子真係大囉！就喺紅髮出現之後， 超新星嘅特拉法爾加・羅突然出現，仲叫甚平帶埋路飛上船，一齊走。
襯住紅髮喺度俾面嘅時候，特拉法爾加・羅 就一邊幫路飛急救，一邊走佬啦。海軍終於開始醫治傷咗嘅海兵， 白鬍子海盜團嘅成員安全離開，似乎係大贏家嘅黑鬍子，
帶住佢嘅新成員同果實能力離開，戰爭正式結束。不過，世界嘅轉變一啲都無停，唔少白鬍子嘅地盤成為咗其他海盜嘅目標，咁多位超新星亦都準備向新世界出發， 因為白鬍子臨死前講嘅嘢，有好多人亦都準備出海去搵ONE PIECE。
俾特拉法爾加・羅救走咗嘅路飛，喺女帝嘅安排之下，嚟到女人島休息。呢個時候，我哋睇少少過往嘅故事先。艾斯，薩波同埋路飛，佢哋三個細個嘅時候 就喺山賊達但嘅照顧下成長。
雖然一開始艾斯同薩波都好抗拒路飛， 但係經過咗啲事之後，艾斯，薩波同路飛就成為咗結拜嘅兄弟。薩波嚟自貴族家庭，但係就因為討厭佢 身為貴族經歷嘅嘢所以離家出走。
佢哋三兄弟成長嘅果亞王國，有一個住滿咗 所謂低端人口嘅垃圾站。呢個國家嘅人，為咗唔好令到嚟到 參觀嘅天龍人覺得唔好睇，竟然諗得出燒咗個垃圾站呢種屎橋。
無錯，係連人帶站咁燒。薩波坐住出海嘅船，只係因為喺天龍人嘅船前面經過，就俾天龍人用迫擊炮打沉。但係班垃圾擔心嘅只係個畫面唔好睇， 會唔會激嬲天龍人。
好彩，面對住天龍人對佢哋嘅壓迫，龍帶住革命軍返到嚟解救咗佢哋。返到女人島上面，甚平令到路飛意識到 佢仲有應該做嘅事。令到傷心欲盡嘅路飛冷靜咗落嚟。
雷利透過熊俾嘅情報，估到帝喺大戰過後收留咗路飛，就徒手游咗過嚟。仲同路飛提議，推遲同同伴三日後見嘅約定， 修煉兩年增強實力之後先至再會合。
就係咁，路飛同甚平同埋雷利 再一次返到去海軍本部大搞特搞，為嘅，就係想將一個訊息帶俾佢分散各地嘅同伴。 X3DX2Y決心鑽研藥物嘅索柏。
以人妖進攻食譜做目標嘅山治。見識到天氣科技嘅奈美。加入咗革命軍嘅魯賓。去咗貝加龐克故鄉嘅芬奇。
準備發展歌唱事業嘅布魯克。發現咗特殊植物嘅烏索普。向鷹眼拜師嘅卓洛。跟雷利學用霸氣嘅路飛。
佢哋將會修煉兩年，兩年後 再喺沙碰地群島集合！頂峰戰爭篇章嘅劇情就大槪係咁樣啦，當然我飛咗好多細節同埋好有感覺嘅位啦。不過呢啲細節嘢我就留返俾你哋自己去睇同感受啦。
毫無疑問， 頂峰戰爭係ONE PIECE喺兩年前嘅劇情入面，尾田摸述過、規模最大嘅一場戰爭。唔同嘅角色喺呢場戰爭入面都有畫面，
角色之間嘅化學作用都好有趣。戰鬥系統上面嘅Bugs我就唔多講啦，口都臭啦。我想同大家講嘅，反而係喺頂峰戰爭 同埋之前嘅故事入面，唔同海軍成員對於正義嘅表現。
喺救卓洛嘅時候，我哋知道有濫權嘅海軍。佢覺得佢自己就係正義，唔聽我命令嘅就係邪惡。喺雪石國嗰陣，我哋知道史莫卡 唔係一個唯命是從嘅海軍。
佢會去質疑七武海呢個蹤容惡行嘅制度，佢會同路飛（呢種所謂嘅不法之徒合作）去解救一個國家嘅人。去到頂峰戰爭，佢甚至質疑海軍喺處刑咗艾斯之後，唔理士兵嘅性命安危繼續追擊海盜， 係唔係一種扭曲咗嘅正義。我哋亦都有哥比呢種，就算係上級嘅命令，
只要佢睇唔順眼，佢就會出手阻止上級嘅海軍。我哋亦都有加普呢種，會跟命令做事，但係用幾多力就睇返實際情況去決定。富有人情味，就好似 佢保護咗世界嘅敵人-羅渣嘅仔咁樣。
因為佢都認同羅渣所講嘅，啱啱出身嘅小朋友， 係無罪㗎。我哋亦都有好似赤犬咁， 絕對依從法律同命令嘅海軍。
你違法，我就要捉到你、 你判咗死刑，你就一定要死、你係海賊，你一定係邪惡，你要死。但當戰國元帥叫佢收手唔好再打，佢就會收手。我哋亦都有黃猿呢種卧底，
對住Boss個仔就會揸流攤嘅二五仔。其實我哋好難去評難，邊種先係好或者啱嘅正義嘅。因為個過程好煩，正因為大家都唔想去諗嘅時候，好多時都會以所謂嘅法律嚟做依歸。就好似赤犬咁，違法嘅就係惡。
但係個問題就係，如果個法律本身就係唔平等呢？如果個命令，唔係一個合理嘅命令呢？就好似世界政府對奧哈拉嘅迫害咁， 又係唔係真正嘅正義呢？
Asia’s Shittest嘅一哥，所講嘅， 又會唔會就係我哋香港對於正義嘅追求呢？如果唔係嘅話，咁我哋追求嘅正義又會係點嘅呢？
路飛就經歷咗一段不停咁去質疑自己嘅時期。喺沙碰地群島嘅時候， 因為實力不足俾人拆散咗個海盜團。當佢去到頂峰戰爭，又再一次因為實力不足，望住自己嘅哥哥喺自己眼前俾人殺死。
經歷過呢啲事嘅路飛，好自然就會 不停咁去諗住自己嘅失敗同埋失去咗嘅嘢，開始埋怨自己。我覺得呢啲都係人之常情嚟嘅， 就正如依家我哋每一日都諗住點解我哋會不停咁輸、
點解咩都得唔到、我哋失去咗嘅人同物。但係透過甚平， 路飛就醒起自己原來未失去曬所有嘢。佢仲有佢嘅同伴等緊佢，
佢仲有一隻船，仲有一個要完成嘅夢想。所以佢之後做咗一個選擇，一個令佢可以變強嘅選擇。因為只有變強，佢先至可以保護到佢想保護嘅嘢， 佢先至可以達到嗰個夢想。
我哋喺直播嘅時候成日 都會有弟兄問我哋有啲咩可以做，但實際上， 喺做之前，我哋係唔係應該好似路飛咁，數一數我哋依家擁有啲咩先呢？
我哋自己又對我哋擁有嘅嘢熟唔熟悉呢？當我哋唔知道我哋依家擁有啲咩嘅時候， 我哋又點會有方向去變強呢？下一集開始，
我哋就會去到路飛佢哋進入新世界嘅篇章㗎啦！魚人島係一個特別嘅篇章。 咁究竟下個月有啲咩咁特別呢？
咁就要請你哋耐心等候啦！拍拍手先拍拍手先，哇，第十集啦，我竟然做到第十集啊。真係好多謝大家嘅支持啊！如果鍾意呢條片，記得俾個Like。
Subscribe我哋個Channel仲記得要Share俾朋友睇啊。有啲咩意見就喺下面講啦。我係Ringo！我哋下集成王之路，仲有深宵角落頭再見啦！
B-