今次嚟到係舊年夏季 啱啱全新落成位於尖沙咀海濱嘅K11 Artus呢間全新、奢華嘅酒店公寓K11 Artus
取名意思係Home of Art所以喺酒店嘅每一個角落都唔難見到充滿特色嘅藝術擺設踏入Lobby 之前就設有一個廿四小時開放主題多樣嘅休憩空間而每個獨立空間都有唔同嘅擺設細節同埋board
game酒店 lobby 取名The Library顧名思義採用左一個兩層歐式圖書館嘅設計牆壁上嘅書籍都可供借閱想睇隨時攞返間房睇完自己放返好就得啦再行入去見到呢個咁大型嘅國際象棋盤同埋足球機絕對唔係單單嘅擺設係比大家玩㗎由於呢度有太多特色啦所以酒店方面亦設有一個導賞之旅希望畀客人更了解酒店嘅設計概念同藝術擺設呢個The
Chamber係酒店一個Bar AreaHappy Hour 時段又可以同朋友嚟飲杯嘢而
The Gallery就係酒店 一個展覽館除咗藝術推廣當中所創立嘅基金會亦致力傳承同活化古今工藝最近推廣緊四個瀕臨失傳嘅傳統工藝包括繪瓷工藝「廣彩」運用奇珍異寶巧工雕琢嘅「八寶嵌」仲有中國獨特木構建築傳統中國屋脊高牆上採用到鮮艷明亮工藝精細嘅灰塑大家喺展覽館見到極具歷史價值嘅珍品古董甚至酒店各處嘅藝術品都可以零距離欣賞部份有興趣嘅更可以買埋返屋企之後再同大家睇嚇酒店嘅其他設施先喺lobby樓梯上一層就有佢哋設備相當齊全嘅Gym Room外面亦有大大個露天嘅休憩空間連接到九龍鬧市嘅無邊際泳池呢度除咗睇到九龍鬧市包括太空館，尖沙咀海濱，洲際酒店亦都睇到維港對岸景色好啦!
事不宜遲即刻參觀下間客房先由於我哋今晚喺度慶祝生日嘅關係酒店貼心地做咗一啲氣球佈置擺設再同大家好快兜個圈先客房採用左一個開放式設計令空間更開揚一牆之隔就係飽覽維港海景嘅睡房空間套廁仲有兩個洗手盆等大家唔使爭連接着步入式衣帽間仲有洗手間唔用嘅時候中間閂返個門就得啦淋浴間用咗大理石牆身搭配金色邊框設計步入式衣帽間裏面有半身鏡亦配備好各類型嘅衣架仲有浴袍櫃桶內亦有夾萬仲有皮鞋護理用具K11 Artus 嘅沐浴用品係採用左來自澳洲成份比較有機嘅Aesop浴缸旁邊擺放左一個絲瓜絡仲有一個包裝精美嘅浴鹽一陣間就可以一路浸浴一路飽覽浴缸隔離呢個無敵維港海景最可惜個窗係打唔開由於呢度除咗係酒店亦係service
apartment所以有洗衣機嘅配置同我哋屋企嗰個係同一個品牌型號除咗洗衫仲有乾衣嘅功能客房有唔需要另外收費嘅Mini Bar有好多豐富健康嘅小食除咗有呢啲Nuts果乾番薯乾仲有呢個新鮮製造嘅蝴蝶酥超級鬆脆好味問你食唔食!!食唔食!
!除此之外酒店亦有響應環保引入左瑞典品牌Nordaq嘅過濾飲用水利用重複使用嘅玻璃樽替代唔環保嘅膠樽十分抵讚呀廚房亦有唔少得嘅茶包、咖啡仲有呢部我一直好想買但都冇買到嘅不鏽鋼nespresso 咖啡機因為我嫌佢清潔太麻煩啦不過今次可以過下手癮即刻沖杯咖啡飲下先我老婆叫我拉花俾佢睇我識條鐵咩呢間房最正就係呢個露台皆因香港有幾多酒店係會有露台仲要係咁樣對住個維港海景喎不過呢度就有啦而佢就話覺得自己直頭好似坐緊郵輪咁企係個露台對住個海但一擰轉身就係自己張床啦動L之後係彈唔翻起身嘅梳妝台鏡櫃一打開就有內置LED 燈啱曬女士化妝嘅時候有充足嘅光線仲要有多角度咁照住自己個靚樣酒店另一個最貼心嘅服務就係可以足不出戶用佢客房裏面個電視機直接order到樓下K11
Musea 商場嘅嘢食重點係個價錢好似仲平過親身落樓下亦冇任何附加服務費廢話少講即刻開電視試嚇先㩒到入去相當驚喜嘅係呢個服務絕對唔止得兩三間選擇喺樓下商場嘅大部份餐廳呢度都有得揀最犀利嘅係佢話送餐時間係15分鐘開頭講我地都唔信啊諗住都係吹水嘅啫但結果我哋當日叫咗好幾次唔同嘅餐廳嘅外賣真係20分鐘唔駛就可以熱辣辣咁送到上客房再加埋最近疫情影響大家唔想落街的話呢個服務真係一流啊夜晚酒店貼心送左個生日蛋糕我哋又同班朋友喺度叫外賣大食會咁就歡渡左一晚啦如果大家鍾意呢間房嘅話我幫大家問咗喇月租係12萬第二朝我哋去到佢酒店間餐廳The commune 食早餐早餐選擇唔多只有中、西式兩款我哋兩個都係揀左中式早餐頭盤有一個輕盈嘅乳酪同埋生果拼盤仲有一啲中式點心新鮮出爐熱辣辣嘅烘培包點仲有一碗相當綿滑嘅白粥搭配一啲佐粥配料分別係乾瑤柱，肉鬆，同埋欖菜好啦今次嘅K11
Artus 住宿體驗去到呢度酒店直落去到商場臨走前因為生日又有得換禮物就係呢個la maison du
chocolat嘅黑松露朱古力今晚拎返屋企慢慢㗳睇完呢集記得俾個likeSubscribe 埋我哋個YouTube ChannelByeBye~!!