因應國家主席習近平訪港，警方採取大規模封路措施，周四凌晨至周六中午期間，灣仔會議道以北會全面封閉，預料金鐘、灣仔北一帶的交通將非常擠塞。臨近放工時間，不少市民趕回家，有市民因改道而被迫改搭港鐵。
在寫字樓工作的韓先生表示，平日乘905號巴士可直接到荔枝角的家樓下，惟因巴士改道，變相令他要改搭港鐵到太子站，再步行5至6分鐘回家，「依家改咗少少路，咁搭地鐵咪遠咗啲囉」。他又指，早上上班的交通未有受改路而影響，中午同樣未有任何影響，說「從未見過金鐘（朝早）咁通順」，（早上）10時開始告士打道未曾試過如此暢通，「平時塞車，今日反而通順，唔知係咪有啲咩特別措施做咗，我唔知」。任職傳媒的伍小姐表示，家住港島東，平日慣常乘搭巴士到金鐘的辦公室。她指，因為習近平到訪，所以她改搭港鐵，「（時間）其實地鐵仲快啲添，只不過巴士坐得舒服啲，可以做下自己嘢」。
她續指，習近平到訪對她沒有特別影響，但對她生活、交通造成不便，「我又見唔到佢，但又影響到我」。她稱，明日會繼續搭港鐵上班，直至習離開為止。從事審計行業的柯先生表示，改道暫時對他沒有造成太大影響，但會視乎今晚慶回歸活動情況和有關新聞報道，才決定明早會否提早出門上班，「可能今晚會(擠塞得比較)犀利，有好多活動」。他稱，有同事擔心傍晚金鐘交通較擠擁而提早放工。
但當習近平車隊於傍晚6時45分前往禮賓府，警方一度截停車龍，令金鐘交通頓變擠塞。任職OL的馬小姐指，平日等5分鐘便有巴士回家，今日等了逾10分鐘，她苦笑:「可唔可以接受呀？咁唔接受有乜辦法呢？都冇辦法。
」她指今日上班已轉搭港鐵，比平時預早半小時出門，未來兩日可能選擇改搭港鐵。她認為警方封路措施應縮小至酒店附近，「搞到金鐘全部係差人咁，交通都有受影響。」王先生指已等10幾分鐘仍未有車回九龍，懷疑與警方封路措施有關，「一定係用過大資源去保護佢(習近平)囉，搞到大家返工時間又緊張啲，預多好多時間。」
本文來源：http://hk.apple.nextmedia.com/realtime/news/20170629/56893395