柴犬天生咁得意，自然多人鍾意，故此唔少扭蛋玩具都用柴犬做題材，無論閣下屋企養唔養到汪星人，只要係柴犬粉絲都會一見愛上。最近日系扭蛋品牌EPOCH推出咗「套娃式」嘅柴犬扭蛋，設計靈感到底係嚟自俄羅斯娃娃，或是以同樣原理合體嘅《天威勇士》？無論點都好，論萌力指數，呢Set新扭蛋都冇得輸，唔只用咗增加玩味嘅套娃設計，而且唔係獨沽一味，柴犬本身有大、中、細之分外，黃色嘅大柴犬、黑色嘅中柴犬與啡色嘅細柴犬，都戴上日式頭巾，賣相更加趣緻，而且可以將佢哋一隻套一隻之餘，又可以換上骨頭，都算設計師有花心思。
呢Set新扭蛋全套合共六款，各售200日圓，而大、中、細柴犬嘅高度分別係42、27與13mm，抵買之餘又唔阻地方，柴犬鐵粉要留意了。除了細細隻嘅柴犬，就連大大隻嘅恐龍都成為今期扭蛋界新品，不過唔使驚會阻地方，因為只係頭骨而已。エール最近推出嘅「恐龍博物館第二彈」，全套就有12款恐龍頭骨，分別係暴龍、三角龍、副櫛龍、尼日爾龍、腕龍、樑龍、速龍、偷蛋龍、食肉牛龍、雙脊龍、戟龍與德拉科暴龍，每款售價都係200日圓，雖然長度只有65mm左右，不過雕工都算交到貨，加埋水準不俗嘅舊化塗裝，性價比合格有餘喎。
本文來源：http://hk.on.cc/hk/bkn/cnt/lifestyle/20170709/bkn-20170709170018125-0709_00982_001.html

相關推薦:

テレビの選び方がわからない?パラメータはわかりにくいですか?この3つの要件に注意するだけです。

現在、テレビはハイテク化が進み、Wi-Fi接続が可能なだけでなく、画面上で再生することもでき、ユーザーの多様で個別なニーズにTCL Mini LEDうになっています。 20年以上前、テレビが白黒しかなかった頃を思い出してみてください。 今、...

Is a doll a toy?

Is a doll a toy?A doll is a model typically of a human or humanoid character, often used as a toy for children, especial...