紅軍又輸死球，即刻睇片：http://bit.ly/2f8oJ34 利物浦未衰夠，作客淨吞斯特城兩蛋，英聯盃第三圈出局，連盃仔都冇得爭！紅軍之前3場不勝個勢勁頹，今仗領隊高普派菲臘比古天奴、阿歷士張伯倫、佐敦軒達臣、韋拿杜姆等主力上場，明顯就想打爭氣波，但球隊換邊後氣勢盡失，李城輕鬆憑岡崎慎司同施利文尼建功贏2:0完場。
狐狸今戰收起占美華迪、馬列斯、卡斯柏舒米高，紅軍都完敗兼4戰失10球，後防愈踢愈曳，領隊高普備受壓力。利物浦一開波就喪攻，5分鐘蘇蘭基於禁區混戰中起腳，可惜皮球斜出，17分鐘，古天奴於中路策動，禁區頂嚟個抽射，但被門將沒收。22分鐘，羅拔臣左路出個靚波斬入禁區，蘇蘭基趕到但炒咗個波出界。27分鐘，古天奴分波畀蘇蘭基抽射，個波意外彈前，羅拔臣殺入禁區左路一傳，個波又係掠門而過。
40分鐘，古天奴於禁區頂主射罰球，但一抽高出。完半場前古仔笠個靚波入禁區，蘇蘭基於窄角度下剔咗個波出界，利物浦大把機會但就入唔到波，半場打成0:0。換邊後李斯特城攞番主動權，58分鐘紅軍換走古天奴，紅軍更加完全做唔到波，中前場進退失據，同上半場比簡直好似換咗第二隊波一樣。65分鐘球隊終於失守，岡崎慎司於混戰中起腳，個波省中羅拔臣入網，主隊打開紀錄。
落後紅軍完全謝曬，78分鐘岡崎慎司同施利文尼於左路，2個人就搞掂紅軍5名球員，施利文尼左腳勁射破網，將比數拉開到2:0，若非施利文尼於完場前門前失機，紅軍唔只輸2球。利物浦於今屆英聯盃早早畢業，連聯賽、歐聯，已經4戰不勝，失球達雙位數字，紅軍一開季就陷入低潮，今季應該都好惡捱。即上英超刨績王：http://win.on.
cc/epl 東網體育同你追實體壇每個精彩時刻！http://bit.ly/2ecTF2A 本文來源：http://hk.
on.cc/hk/bkn/cnt/sport/20170920/bkn-20170920043939446-0920_00882_001.html
5G SA は 5G NSA よりも高速ですか?
5G SA は 5G NSA よりも高速ですか?5G NSA ネットワークはデバイスのバッテリー消費量が多くなります。これは、5G NSA が 4G サービスと 5G サービスの両方を使用する 4G LTE ネットワークに依存しているためで...
子供をオリンピック選手にするにはどうすればいいですか？
子供をオリンピック選手にするにはどうすればいいですか？お子様がオリンピック選手になるために必要な資質を備えていると思われる場合は、お子様が目標を達成できるよう励まし、支援するためにできることをいくつかご紹介します。参加する才能がすべてではな...